Saturday, March 29, 2014

Sooji Subba Rayana Kathe - 5

ಸೂಜಿ ಸುಬ್ಬ ರಾಯನ ಕಥೆ 

" ಸೂಜಿ ಸುಬ್ಬನ್ನ ಹುಲಿ ಏನ್ ಮಾಡ್ತಜ್ಜಿ ?" ಪುಟ್ಟಿ ಭಯದಿಂದ ಕೇಳಿದಳು. 

" ತುಂಟ ಸುಬ್ಬ ರಾಯನು ಮಾತಿನ ಮಲ್ಲ ,

  ಅಂಜಿಕೆ ಹೆದರಿಕೆ ಎಳ್ಳಷ್ಟೂ ಇಲ್ಲ !" 

  ಪುಟ್ಟಣ್ಣ ರಾಗವಾಗಿ ನುಡಿದ . 

" ಕರೆಕ್ಟ್ ! " ಎಂದ ಅಜ್ಜಿ ಮುಂದಕ್ಕೆ ಓದಿದಳು . 

                            ೨೧

ಹೊರಬಿದ್ದ ಸೂಜಿ ಸುಬ್ಬ ಕೂಗಾಡಿದನು !

ಜೋರಾಗಿ ರಂಪಾಟವ  ಮಾಡಿದನು !

" ಕರಡಿಯಣ್ಣ , ನರಿಯಣ್ಣ , ಮೊಸಳೆಯಣ್ಣಾ !

  ಹಿಡಿದುಕೊಂಡ  ಹುಲಿಯಣ್ಣ 

  ಸೂಜಿ ಸುಬ್ಬ ರಾಯನನ್ನಾ  !"

                                             ೨೨


ಕೂಡಲೇ ಧಾವಿಸಿ ಬಂದ ಪ್ರಾಣಿಗಳು ,

ಹುಲಿಯ ಮೇಲೆರಗಿ ಕಚ್ಚಾಡಿದವು !

                                               ೨೩

ಸೂಜಿ ಗಾತ್ರದ ಸೂಜಿ ಸುಬ್ಬ ರಾಯನು , 

ಅರಸುತ ರಾತ್ರಿಯ  ಊಟವನ್ನು,

ನುಸುಳಿಕೊಂಡು ಅಲ್ಲಿಂದ ಪಾರಾದನು !


ಅಜ್ಜಿ ಮುಗಿಸಿದಾಗ ಎಲ್ಲರೂ ' ಸೂಜಿ ಸುಬ್ಬ ರಾಯನಿಗೆ ಜೇಯ್ ! ' ಎಂದು  ಉತ್ಸಾಹದಿಂದ ಘೋಷಣೆ ಮಾಡಿದರು . 

" ಪ್ರಾಣಿಗಳೆಲ್ಲ ಕಾಡಲ್ಲಿ  ಇನ್ನೂ ಕಾದಾಡ್ತಾನೆ ಇತ್ವಂತೆ  ! ನನ್  ತಾತ ಹೇಳ್ತಿದ್ರು !"

" ಈಗ್ಲೂ ?" ಪುಟ್ಟಿ ಕಣ್ಣಗಲಿಸಿ ಕೇಳಿದಳು . 

" ಹುಂ! ಈಗ್ಲೂ ಕಾದಾಡ್ತಾನೇ ಇವ್ಯಂತೆ !" ಎಂದಳು ಅಜ್ಜಿ !

No comments:

Post a Comment